काठमाडौं । त्रिभुवन अन्तर्राष्ट्रिय विमानस्थलबाट शुक्रबार प्रहरीले एक जना भारतीय महिलाको करिब ८ सय ५० ग्राम सुन बरामद गरेको छ ।
प्रहरीले शुक्रबार दिउँसो करिब २ बजे विमानस्थलको आगमन टनेल गेटबाट सोही सुन बरामद गरेको हो । उक्त सुन भारतीय महिला सहिना प्रभिनले प्लास्टिकभित्र राखेर कालो टेपले बेरेर साथमा राखेको प्रहरीले बताएको छ ।
सोही घटनाको सम्बन्धमा आवश्यक अनुसन्धान भइरहेको प्रहरीले बताएको हो ।