काठमाडौं । रामेछापका विभिन्न सामुदायिक वनमा आगो लगाउँदै हिंड्ने एक जनालाई प्रहरीले पक्राउ गरेको छ।
पक्राउ पर्नेमा रामेछाप नगरपालिका–३ साँघुटारका १९ वर्षीय सुवास महत रहेका हुन् । आफ्नै गाउँको कालिकादेवी सामुदायिक वनमा आगो लगाउँदै गर्दा जंगलबाटै उनलाई सोमबार प्रहरीले पक्राउ गरेको छ ।
महतले सामुदायिक वनको विभिन्न ठाउँमा आगो लगाउँदै हिंडेको स्थानीयले देखेपछि प्रहरी चौकी साँघुटारमा खबर गरेका थिए।